ផ្សាយថ្ងៃទី ១៨ មិថុនា ២០២៥

(កាសែតឯករាជ្យជាតិ ផ្សាយតាមបណ្តាញសង្គម)
កំពង់ស្ពឺ៖ បុរសម្នាក់ខឹងគេពាក់មួកចូលផ្ទះ ក៏ទាស់សំដីគ្នា យកកន្ត្រៃចាក់បណ្តាលអោយរងរបួសធ្ងន់។ ហេតុការណ៍នេះកើតឡើងកាលពីវេលាម៉ោង១០ព្រឹក ថ្ងៃទី១៧ ខែមីនា ឆ្នាំ២០២៥ នៅចំណុចតូបលក់ចាប់ហ៊ួយ ស្ថិតនៅ ក្នុងភូមិទួល ឃុំ ស្វាយរំពារ ស្រុកបសេដ្ឋ ខេត្តកំពង់ស្ពឺ។ នគរបាល ស្រុកបសេដ្ឋ បានអោយដឹងថា ជនសង្ស័យដែលឃាត់ខ្លួនឈ្មោះ កែវ គីមឡុ ង ភេទប្រុស អាយុ២៧ ឆ្នាំ រស់នៅ ភូមិទួល ឃុំស្វាយរំពា ស្រុកបសេដ្ឋ បាន យក កន្ត្រៃ ចាក់ ទៅ លើ ជន រង គ្រោះ មានឈ្មោះថា អឿ គី មលី ភេទប្រុស អាយុ ២៦ឆ្នាំ រស់នៅភូមិឃុំ ជាមួយគ្នា ដោយចាក់ចំនួនមួយកន្ត្រៃ ចំពីខាងក្រោយខ្នងផ្នែកខាងឆ្វេងបណ្តាលឱ្យរងរបួសធ្ងន់ធ្ងរត្រូវបាន សាច់ញាតិជនរងគ្រោះដឹកបញ្ជូនទៅព្យាបាលនៅមន្ទីរពេទ្យភ្លាមៗ បន្ទាប់មកជនសង្ស័យបានរត់គេចខ្លួន ប៉ុន្តែសមត្ថកិច្ចចាប់ឃាត់ខ្លួនបានក្រោយទទួលពាក្យបណ្ដឹង។
ក្រោយ ពីឃាត់ខ្លួនសួរនាំជនដៃដល់រួមជាមួយវត្ថុតាងកន្ត្រៃត្រូវបាន នគរបាលស្រុកបសេដ្ឋកសាងសំណុំរឿងចាត់ការបន្តតាមផ្លូវច្បាប់ ។