ផ្សាយថ្ងៃទី ១៨ មិថុនា ២០២៥

(កាសែតឯករាជ្យជាតិ ផ្សាយតាមបណ្តាញសង្គម)
( តាកែវ÷) រថយន្ដដឹកទឹកកកមួយគ្រឿងបើកបុកមនុស្សកំពុងដើរឱ្យរបួសធ្ងន់ ហើយរ៉េចង្កូតទៅបុករះជាមួយម៉ូតូចំនួន១គ្រឿងទៀតបណ្ដាលឲ្យពីរនាក់ប្ដីប្រពន្ធមួយគូជាកម្មករកម្មការិនីរោងចក្រស្លាប់ភ្លាមៗនៅកន្លែងកើតហេតុ ។
ហេតុការណ៍គ្រោះថ្នាក់ចរាចរនេះ កើតឡើងនៅព្រឹកថ្ងៃទី១០ ខែកក្កដា ឆ្នាំ២០២០៥ វេលាម៉ោង៦និង៤៥នាទី តាមបណ្ដោយផ្លូវជាតិលេខ២ ត្រង់ចំណុចទល់មុខប៉ុស្តិ៍រដ្ឋបាលនគរបាលឃុំជីខ្មារ ឃុំជីខ្មារ ស្រុកទ្រាំង ខេត្តតាកែវ។
យើងខ្ញុំ ចាងហ្វាងការផ្សាយសែតឯករាជ្យជាតិ សូមថ្លែងអំណរគុណយ៉ាងជ្រាលជ្រៅ ដល់អស់លោកអ្នកនាង ដែលបានគាំទ្រ និងចូលចិត្តអានកាសែតឯករាជ្យជាតិ តាមរយៈបណ្តាញសង្គមរបស់យើងខ្ញុំ កាសែតឯករាជ្យជាតិ នឹងខំស្វែងរកព័ត៌មាន ចំណេះដឹងថ្មីៗ ជូនអស់លោកនាងដោយមិនគិតថ្លៃ បើអស់លោកអ្នកនាង ចង់ជួយឧបត្ថម្ភការផ្សាយរបស់យើងខ្ញុំ សូមផ្ញើតាមរយៈគណនី ABA លេខលុយខ្មែរ: 500 708 383 លេខលុយដុល្លារ: 003 662 119
រថយន្តបង្កជាប្រភេទរថយន្តកូរ៉េដឹកទឹកកកអនាម័យរូបសញ្ញា អីវ៉ា ពាក់ស្លាកលេខ ភ្នំពេញ 2 BE1550 ពណ៌ ស ដែលអ្នកបើកបរមិនត្រូវបានស្គាល់អត្តសញ្ញាណនោះទេ ព្រោះក្រោយកើតហេតុបានរត់គេចខ្លួនបាត់ស្រមោល។ យោងតាមប្រភពពីសមត្ថកិច្ចកនៃអធិការដ្ឋាននគរបាលស្រុកទ្រាំង បានឲ្យដឹងថា ដំបូងឡើយរថយន្តខាងលើបានបើកបុកមនុស្សកំពុងដើរឱ្យរបួសធ្ងន់ ហើយរ៉េចង្កូតទៅបុកជាមួយម៉ូតូ១គ្រឿងទៀត ម៉ាកហុងដាឌ្រីម ស៊េរី ២០១៧ ពាក់ស្លាកលេខតាកែវ 1N 4315 បណ្ដាលឲ្យស្លាប់បាត់បង់ជីវិត កម្មករ កម្មការិនី ពីរនាក់ប្ដីប្រពន្ធនៅកន្លែងកើតហេតុតែម្តង។
សូមចុចអានព័ត៌មានថ្មីៗជាច្រើនទៀតនៅខាងក្រោម
តាមការបញ្ជាក់ពីសមត្ថកិច្ចនគរបាលចរាចរនៃអធិការដ្ឋាននគរបាលស្រុកទ្រាំង ជនរងគ្រោះដែលស្លាប់ឈ្មោះ សែត កុសល អាយុ៣៨ (ប្ដី)និងប្រពន្ធឈ្មោះ មួង ស្រីឡាត់ អាយុ៤១ឆ្នាំ ទាំង២នាក់រស់នៅភូមិធ្នោះ ឃុំអង្គកែវ ស្រុកទ្រាំង ខេត្តតាកែវ ហើយមុនពេលកើតហេតុពួកគាត់ បានដឹកគ្នាទៅបម្រើការងារនៅរោងចក្រ HC Global factory Co LTD ដែលមានអាសយដ្ឋាននៅភូមិគោកឃ្មោង ឃុំរនាម ស្រុកទ្រាំង ខេត្តតាកែវ។
បច្ចុប្បន្នវត្ថុតាងទាំងរថយន្ត និងម៉ូតូត្រូវបានសមត្ថកិច្ចចរាចរនៃអធិការដ្ឋាននគរបាលស្រុកទ្រាំង យកមករក្សាទុកនៅអធិការដ្ឋាន ក្រោយវាស់វែងធ្វើកំណត់ហេតុរួច ចំណែកសពជនរងគ្រោះត្រូវបានប្រគល់ជូនសាច់ញាតិយកទៅធ្វើបុណ្យតាមប្រពៃណី៕ (កាសែតឯករាជ្យជាតិ ផ្សាយតាមបណ្តាញសង្គម ជូនលោកអ្នកនាងអានដោយមិនគិតថ្លៃ បើសប្បុរសជនចង់ជួយឧបត្ថម្ភ ការផ្សាយរបស់យើងខ្ញុំ តាមរយៈគណនី ABA លេខលុយខ្មែរ: 500 708 383 លេខលុយដុល្លារ: 003 662 119