ផ្សាយថ្ងៃទី ២៦ មីនា ២០២៥

(កាសែតឯករាជ្យជាតិ ផ្សាយតាមបណ្តាញសង្គម)
កិច្ចពិភក្សាស្តីពី ការផ្សព្វផ្សាយចំណេះដឹងហិរញ្ញវត្ថុ និងការប្រើប្រាស់ឥណទានដោយទទួលខុសត្រូវ នឹងត្រូវរៀបចំឡើងដោយ ក្លិបអ្នកកាសែតកម្ពុជា នាព្រឹកថ្ងៃ ទី២៦ ខែមីនា ឆ្នាំ២០២៥ នៅ សណ្ឋាគារ NOVOTEL សង្កាត់បឹងកេងកង១ ខណ្ឌបឹងកេងកង រាជធានីភ្នំពេញ។ កិច្ចពិភាក្សានេះ ដែលមានការចូលរួមពីវាគ្មិនចំនួន ៤រូប គឺលោក លាង ដឺលុច ជានាយកប្រតិបត្តិក្លិបអ្នកកាសែតកម្ពុជា លោក អឿ សុធារ័ត្ន នាយកប្រតិបត្តិក្រេឌីតកម្ពុជា លោកជំទាវ ឌិត នីតា ប្រធានក្រុមប្រឹក្សាភិបាលសមាគមមីក្រូហិរញ្ញវត្ថុកម្ពុជា លោក រ័ត្ន សោភ័ណ្ឌ ប្រធានសមាគមធនាគារនៅកម្ពុជា និងកញ្ញា សាន ស្រីនិច ជាអ្នកសម្របសមរួល។
យើងខ្ញុំ ចាងហ្វាងការផ្សាយសែតឯករាជ្យជាតិ សូមថ្លែងអំណរគុណយ៉ាងជ្រាលជ្រៅ ដល់អស់លោកអ្នកនាង ដែលបានគាំទ្រ និងចូលចិត្តអានកាសែតឯករាជ្យជាតិ តាមរយៈបណ្តាញសង្គមរបស់យើងខ្ញុំ កាសែតឯករាជ្យជាតិ នឹងខំស្វែងរកព័ត៌មាន ចំណេះដឹងថ្មីៗ ជូនអស់លោកនាងដោយមិនគិតថ្លៃ បើអស់លោកអ្នកនាង ចង់ជួយឧបត្ថម្ភការផ្សាយរបស់យើងខ្ញុំ សូមផ្ញើតាមរយៈគណនី ABA លេខលុយខ្មែរ: 500 708 383 លេខលុយដុល្លារ: 003 662 119
ក្នុងកិច្ចពិភាក្សានេះ គឺផ្តោតទៅលើការចូលរួមពីអ្នកសារព័ត៌មាន អ្នកជំនាញហិរញ្ញវត្ថុ និងអ្នកវិភាគសេដ្ឋកិច្ច។ ការលើកកម្ពស់ចំណេះដឹងហិរញ្ញវត្ថុដល់សាធារណជន ណែនាំអំពីការប្រើប្រាស់ឥណទានដោយសមត្ថភាព និងទទួលខុសត្រូវ ការរួមចំណែករបស់សារព័ត៌មានក្នុងការផ្សព្វផ្សាយព័ត៌មានហិរញ្ញវត្ថុ។ - ជំរុញការយល់ដឹងអំពីសិទ្ធិ កាតព្វកិច្ច និងឱកាសក្នុងការគ្រប់គ្រងហិរញ្ញវត្ថុផ្ទាល់ខ្លួន។
- បង្កើតវេទិកាសម្រាប់ការសហការរវាងអ្នកសារព័ត៌មាន និងអ្នកជំនាញហិរញ្ញវត្ថុក្នុងការបង្កើតខ្លឹមសារប្រកបដោយគុណភាព។