ផ្សាយថ្ងៃទី ២៩ មករា ២០២៤

(កាសែតឯករាជ្យជាតិ ផ្សាយតាមបណ្តាញសង្គម)
សៀមរាប ៖ អគ្គិភ័យមួយបានកើតឡើងបណ្តាលឲ្យឆេះព្រៃមួយកន្លែង កាលពីថ្ងៃទី២៧ ខែមករា ឆ្នាំ២០២៤ វេលាម៉ោង ០៩ នឹង ៣០នាទី មានផ្ទៃដីទំហំ ២ហិចតា ស្ថិតនៅចំណុចក្រុមទី១ ក្នុងភូមិប្រីយ៍ចាស់ សង្កាត់ទឹកវិល ក្រុងសៀមរាប ខេត្តសៀមរាប ដែលបណ្ដាលមកពីប្រជាពលរដ្ឋរស់នៅតំបន់នោះមានការធ្វេសប្រហែស។ ក្នុងហេតុការណ៍អគ្គិភ័យខាងលើគឺមិនបណ្ដាលឲ្យមានការខូចខាតទ្រព្យសម្បត្តិ ឬផ្ទះរបស់ប្រជាពលរដ្ឋណាមួយឡើយ ។
យើងខ្ញុំ ចាងហ្វាងការផ្សាយកាសែតឯករាជ្យជាតិ សូមថ្លែងអំណរគុណយ៉ាងជ្រាលជ្រៅ ដល់អស់លោកអ្នកនាង ដែលបានគាំទ្រ និងចូលចិត្តអានកាសែតឯករាជ្យជាតិ តាមរយៈបណ្តាញសង្គមរបស់យើងខ្ញុំ កាសែតឯករាជ្យជាតិ នឹងខំស្វែងរកព័ត៌មាន ចំណេះដឹងថ្មីៗ ជូនអស់លោកនាងដោយមិនគិតថ្លៃ បើអស់លោកអ្នកនាង ចង់ជួយឧបត្ថម្ភការផ្សាយរបស់យើងខ្ញុំ សូមផ្ញើតាមរយៈគណនី ABA លេខលុយខ្មែរ: 500 708 383 លេខលុយដុល្លារ: 003 662 119
តាមប្រភពពីកន្លែងកើតហេតុបានឲ្យដឹងថា ករណី​នេះ​កម្លាំង​ជំនាញនៃស្នងការដ្ឋាននគរបាលខេត្តសៀមរាប បាន​​ចុះ​ពន្លត់​អគ្គិភ័យដោយ​ប្រើប្រាស់​រថយន្ត​ពន្លត់​អ​គិ្គ​ភ័យ​សរុបចំនួន ០៧គ្រឿង (​រថយន្តពន្លត់អគ្គិភ័យ អាជ្ញាធរជាតិអប្សរាចំនួន ០២គ្រឿង) ទើប​អាចគ្រប់គ្រង​ស្ថានការណ៍​អគ្គិភ័យ​នេះ​បាន​ ។ ក្រោយកើតហេតុ សមត្ថកិច្ចបានណែនាំ ប្រជាពលរដ្ឋឲ្យមានការប្រុងប្រយ័ត្នគ្រប់វិនាទី ដែលអាចបង្កឲ្យកើតមានអគ្គិភ័យដូចជា ភ្លើងចង្ក្រាន ភ្លើងចង្កៀង ភ្លើងទៀនធូប ភ្លើងបារី រំសេវជាតិផ្ទុះ ប្រេងឥន្ធនៈ ឧស្ម័នចំហេះ សារធាតុគីមីដែលជាវត្ថុងាយឆេះ និងបច្ចេកទេសក្នុងការតប្រព័ន្ធបណ្តាញអគ្គិសនីនៅតាមលំនៅដ្ឋាន សណ្ឋាគារ ផ្ទះសំណាក់ ក្រុមហ៊ុន ភោជនីយដ្ឋាន និងក្លឹបកំសាន្តជាដើម និង ត្រូវចូលរួមសហការជាមួយអាជ្ញាធរ និងសមត្ថកិច្ចជំនាញ ក្នុងការអនុវត្តវិធានការណ៍ទប់ស្កាត់កុំអោយមានគ្រោះថ្នាក់អគ្គិភ័យកើតឡើង ។ (កាសែតឯករាជ្យជាតិ ផ្សាយតាមបណ្តាញសង្គម ជូនលោកអ្នកនាងអានដោយមិនគិតថ្លៃ បើសប្បុរសជនចង់ជួយឧបត្ថម្ភ ការផ្សាយរបស់យើងខ្ញុំ តាមរយៈគណនី ABA លេខលុយខ្មែរ: 500 708 383 លេខលុយដុល្លារ: 003 662 119
សូមចុចអានព័ត៌មានថ្មីៗជាច្រើនទៀតនៅខាងក្រោម